стратегиялық мақсаттағы ракеталар

(Ракеты стратегического назначения)

ұшу қашықтығы 1000 км-ден асатын басқарылатын ракеталар (оның ішінде құрлықаралық және бүкіл жер шарын қамтитын ракеталар кіреді). С.м.р. қуаттылығы жоғары ядролық зарядтар тасымалдаушы құрал болып табылады. Соған байланысты С.м.р. қарсыластардың терең (ішкі) тылындағы стратегиялық мәнді объектілерді (әскери, өнеркәсіптік, саяси, әкімшілік орталықтарды) жоюға қабілетті. Қазіргі стратегиялық ракеталардың ұшу қашықтығы және тигізу дәлдігі жоғары. С.м.р-дың ядролық зарядтарды нысанаға жеткізуге деген сенімділігі бірнеше жүздеген км-мен есептелетін жоғары биіктігі мен 30—35 мин ішінде 10 мыңнан аса км-ді игеретін ұшу жылдамдығына байланысты. Ұшып бара жатқан стратегиялық ракетаға ештеңенің дарымайтындығы бөлек басқарылмайтындығына, соған сәйкес оның ұшу траекториясына әсер етудің мүмкін еместігіне, ұшу жылдамдығының аса жоғарылығына байланысты болады.